• pdhj halo treinamentu ba staf sira

    Data, 20-07- 2007

    Provedór de Direitos Humanos e Justisa (PDHJ), nu’udar órgaun indepedente ida ne’ebé iha knaar hodi promove no proteje direitos humanos iha Nasaun Timor-Leste.  Hodi establese knaar ida ne’e Provedória dos Direitos Humanos e Justiça (PDHJ) sei hala’o treinamentu ba staf sira iha PDHJ hahu husi loron 23 Jullu to’o 3 Agustu 2007  iha East Timor Development Agensy (ETDA) Fatuhada Dili.

    Treinamentu ne’ebé sei partisipa husi funsionariu PDHJ nian, NGO Nasionál no Internasionál ne’ebé mak involve iha atividade promosaun no edukasaun direitos umanos nian sei loke husi Vise Ministru Edukasaun no Kultura.

    “Liu husi treinamentu ne’e atu aumenta kapasidade funsionariu PDHJ no NGO sira iha area direitus Umanos. Nune’e mós atu kria sistema integradu ba promosaun no edukasaun Direitos Humanos iha instituisaun estadu F-FDTL, PNTL, Guarda Prizaun, offisial Governu no Lider Komunidade. Alien ida ne’e atu ajuda PDHJ hodi desenvolve estratejia hodi servisu hamutuk ho instituisaun estadu hodi hasae konsistensia no integridade Direitos Humanos iha instituisaun nian, hateten Direitur ba Area Direitos Humanos (PDHJ) Dr. Valerio Magno Ximenes”.

     Programa treinamentu Edukasaun Direitos Humanos ne’e sei apoi husi reprejentante projeitu United Nations Development Programme (UNDP) no Departamentu Promosaun no Edukasaun Direitos Humanos iha PDHJ no treinamentu ne’e rasik sei konduta husi Sekretaria Komisaun direitus Umanus Filipina nian Sr. Homero Rusiana.

    Fasilitador iha treinamentu ne’e hanesan, Komisaun Direitos Umanus Filipina, Reprejentante UNMIT Projeitu Manajer UNDP, Provedór Adjunto ba area Direitos Humanos, Direitur Akademia PNTL, Reprejentante Direitus Humanos UNMIT, Direitur Prizaun, Direitur INAP, Assisten Deputy Ministeriu Edukasaun, Reprejentante UNMIT ba Ministeriu Edukasaun, Xefe Estadu Major F-FDTL no Reprejentante husi Ministeriu Estatal.


    “ Husi treinamentu ne’e nu’udar meus ida atu habelar informasaun kona-ba oinsa atu promove no proteje direitus umanus liu husi promosaun no edukasaun, sosializasaun liu husi media hanesan, radiu, televizaun no jornal sira, debate publikus, broxura, pamfleitu no seluk tan, hatutan Dr. Valerio”.

     Iku liu Dr. Valerio espera katak depois de treinamentu ne’e partisipanate ne’ebé partisipa iha treinamentu ne’e bele aplika iha sira-nia instituisaun materia ne’eé sira hetan durante treinu”.

    Persiza informasaun Kontaktu

    Lady Ximenes

    Informasaun & Relasaun Públika PDHJ

Comments are closed.