• pdhj realiza treinamentu kona-ba direitos humanos, analiza konflitu no mediasaun ba lideransa komunitaria

     Data:  22-08-2012

    Distrito Lautem-Provedoria dos Direitos Humanos e Justiça (PDHJ) liu husi direasaun nasional Direirus Humanos realiza treinamentu ba lideransa komunitaria sira iha Distritu Lautem. Treinamentu ne,ebé hala’o hahu husi loron 13-17 Agostu 2012 ne,e realiza tanba servisu hamutuk entre PDHJ, Ministeriu Administrasaun Estatal (MAEOT) liu husi direasaun Nasional Administrasaun Apoiu Suku no Ministeriu Solidaridade Sosial (MSS) liu husi diresaun Nasional Asistensia Sosial.

    Treinamentu ne,e nu’udar kontinuasaun husi treinamentu ne,ebé hala’o ona iha tinan 2011. Treinamentu ba etapa ida ne’e nu’udar realizasaun husi akordu ne’ebé PDHJ liu husi diresaun Nasional Direitus Humanos asina ona ho MAEOT liu husi direasaun Nasional Administrasaun Apoiu Suku no MSS liu husi diresaun Asistensia Sosial iha loron 6 fulan Agostu 2012.

    Marina Bernadina Gaio, Xefe Departamentu Promosaun no Edukasaun husi Diresaun Nasional Direitus Umanus hateten katak “ treinamentu konjunta entre PDHJ, MAEOT no MSS ho objetivu atu hasae kuinesimentu lideransa komunitaria sira nian kona-ba direitus humanos, analiza konflitu no mediasaun.

    Marina hatutan katak, knaar importante ida PDHJ nian liu husi Diresaun Nasional direitus Humanos mak fó kapasitasaun ba lideransa komunitaria sira  atu nune’e sira bele hatene sira-nia knaar nu’udar lideransa iha suku nia laran.

    Tanba lideransa komunitaria sira dala ruma sira mós nu’udar parte ida ne’ebé sai autor ba violasaun direitus umanos karik tanba sira la hatene informasaun, karik sira hatene maibe la kohi implementa. Nune’e liu husi treinamentu ne’e bele hasa’e kuiñesimentu ba Xefe suku sira.

    Materia treinamentu mak hanesan saida mak lideransa komunitaria, knaar lideransa komunitaria ligasaun ho direitus humanos, dever lideransa komunitaria,  prinsipiu direitus humanos, dever estadu promove no protégé direitus humanos, dever lideransa komunitaria hodi protégé no promove direitus humanos iha komunidade, jeneru no direitus humanos,  violensia domestika, responsalidade lideransa komunitaria ba violensia domestika, trafiku umanu, mediasaun no analiza konflitu.

    Iha seremonia enseramentu Sr. Julio Maria de Jesus, Adjuntu Administrador Distritu Lautem hateten katak, ho treinamentu ne,eb’e iha nu’udar bukau ba lideransa komunitaria sira hodi bele kapasita sira-nia an atu bele hala’o knaar ho di’ak iha komunidade nia leet.

    Rosalina de Jesus Pires treinador husi PDHJ hateten katak sente urgullu tanba lideransa komunitaria sira iha interese no antosiasmo tebes hodi partisipa treinamentu to’o remata. Nune’e tuir Rosalina haree katak liu husi materia ne’ebé treinador sira fó partisipantes sira akapta duni tuir sira nia kapasidade mak iha.

    Rosa hatutan, liu husi treinamentu ne’e, lider komunitaria sira bele iha konhesimentu konaba analizasaun konflitu liu husi identifikasaun problema, abut  ne’ebe hamosu problema no impaktu husi problema, ho nune’e lider komunitaria sir abele halo prosesu mediasaun ba kazu sivil ne’ebe mak akontese iha sucu laran.

    Bazeia ba Konstituisaun RDTL Artigu 27, Provedor dos Direitos Humanos e Justiça nu’udar órgaun indepedente ida iha knaar atu haree no buka hatán sidadaun sira-nia problema sakar podér públiku, atu haree loloos hahalok sira ne’ebé tuir lei no halo prevensaun no hahú prosesu tomak hodi haburas fali Justiça.

    Presiza Informasaun Kontaktu

    Lady Ximenes, Relasaun Públika PDHJ

    Telemovel 77304260 Jóse Tefa 735 1412 ou 3331071

Comments are closed.