• pdhj sei hato’o rekomendasaun ba pntl & unpol ba kazu 12

    Date,  5-07-2007

    Provedór de Direitos Humanos e Justiça (PDHJ) sei hato’o relatóriu no rekomendasaun ba Komandante Jeral PNTL no UNPOL Sexta Feira 6 de Jullu 2007 iha edifísiu PDHJ Caicoli Dili.

    “Iha loron ne’e importante tebes tamba loron ida ne’e ba daruak PDHJ atu entrega kazu 12 ba Komandante Jerál PNTL” hateten Provedór Interino Amandio de Sá Benevides”.Kazu hirak ne’e relasiona ho “Alegasaun Abuzu de Poderes ne’ebé aplika husi membrus no ajente PNTL sira. Rekomendasaun hirak ne’e hato’o ba komando jeral PNTL bazeia ba Artigu 3, 5, 27, no 28 Lei Númiru 7/2004 kona-ba Estatutu Provedor de Direitos Humanos e Justiça, hatutan Provedór Interino Amandio”.

    Keixa hirak ne’ebé tama iha Gabinete Provedór dos Direitos Humanos e Justiça, halo husi komunidade sira, hahú husi Fulan Marsu de 2006 to’o Fulan Marsu de 2007 hamutuk 12 kazu, ho númeru registo hanesan 026/06/BG, 031/06/BG, 032/06/BG, 033/06/BG, 037/06/BG, 045/06/BG, 002/07/BG, 006/07/BG, 007/07/BG, 012/07/BG, 021/07/BG, 037/07/BG.

    Bazeia ba Númeru 2, Artigu 37 Estatutu Provedór Direitus Umanus no Justisa nian, hatete katak, “Provedór Direitus Umanus no Justisa nian, sei halo avaliasaun preliminár kona-ba simu ka la simu kesar ne’e ho hanoin ida atu hala’o prosesu ka lae, iha loron tolunulu (30) nia laran, hahú husi loron ne’ebé kesar ne’e hatada tiha ba”.

      Liu husi Diresaun Boa Governasaun halo tiha ona Avaliasaun Preliminaria ba kazu hirak ne’ebé refere.  Rerlasiona ho ida ne’e maka ho momentu ida ne’e Provedór atu entrega no rekomendasaun ba Alegasaun Abuzu de Poderes iha PNTL ba Komandu Jerál PNTL Prokurador Geral da Republika atu bele foti medidas no investigasaun klean liu tan.

     “Provedór Interino Amândio de Sá Benevides, husu ba Autoridade kompetenti nebe’e simu Rekoemndasaun ne’e atu implementa ho diak”.

     Relasiona ho keixas sira seluk Provedór interino hateten katak keisa sira seluk nebe’e mak Provedor simu ona  nomos inisiativa Provedór nian ne’ebé iha indikasaun ba Pratika mal administrasaun, abuzu de poder no Krime Korupsaun horas ne’e dadauk sei iha prosesu investigasaun nia laran, tamba ne’e husu ba Autoridade kompetenti atu servisu hamutuk ho PDHJ tuir funsaun ida-idak  nian atu bele prevene mal administrasaun no kombate korupsaun, hodi bele promove governasaun diak iha nasaun joven ne’e”.

    Haktuir iha númiru 3, Artigu 47 Lei no. 7/2004 Estatutu PDHJ katak, “Orgaun ne’ebé simu lia menon ne’e tenki hato’o informasaun ba Provedór dos Direitos Humanos e Justisa nian kona-ba sasukat sira ne’ebé foti atu kumpri ka hala’o lia menon sira ne’ebé hatada ona ne’e, iha loron neen nulu (60) nia laran”.

    Ho nune’e maka husu ba Senhor Komandante Jerál PNTL no Komisariu UNPOL atu implementa rekomendasaun ne’e iha Loron neen nulu (60) nia laran. Bainhira la kumpri ka la hala’o tuir lia menon ne’ebé hato’o, maka Provedór Direitus Umanus no Justisa nian tuir númiru 4, Artigu 47 Lei Númeru 7/2004 sei hato’o relatoriu ne’e ba Parlamentu Nasional de Timor Leste.

     

    Presiza informasaun kontaktu

    Lady Ximenes, Informasaun & Relasaun Públika PDHJ

    HP, 726 1843 ou 333 1071

Comments are closed.