• 1 los

    Lansamentu Manual Treinamentu Kna’ar F-FDTL

     

    Dili : 22 Agustu 2017 Provedor PDHJ, Dr.Silverio Pinto Baptista, Chefe do Estado Maior General das F-FDTL Sr. Lere Anan Timur, Ministro de Defesa, Dr. Cirilo Cristóvão  halo lansamentu ba Manual treinamentu Kna’ar F-FDTL liga ba Direitus Umanus iha Quartel General das F-FDTL Fatuhada oras tuku 8 kalan.

    Programa lansamentu ne’e, hetan partisipasaun husi Ofisiais F-FDTL,Ofisiais PNTL, Funsionario Ministerio Defeza, grupu referensia husi PDHJ, Unidade Asesoria Direitus Umanus-ONU iha Timor-Leste nomos konvidadus husi linhas Ministeriais.

    Lansamentu  ne’e mak hanesan espasu dahuluk hodi loke dalan ba implementasaun formasaun ba ofisiais to’o soldadu iha instituisaun F-FDTL no Manual ne’e sei hatama iha kurikulu treinamentu ba instituisaun ida F-FDTL nian.

    Grupo referensia ne’ebe kompostu husi, PDHJ, F-FDTL, UADU-ONU iha Timor-Leste, Fundasaun Mahein no Ministerio Defeza halo konsultasaun ba Grupo xave husi parte F-FDTL iha Componente Hera, Componente Metinaro, Componente Baucau no Quartel General Dili rasik hodi hetan informasaun atu inlkui iha manual ida ne’e. Antes halo konsultasaun ida ne’e, Dr. Silverio Pinto Baptista (Provedor)PDHJ  no Sr. Jeneral Lere Anan Timur (CEMFA) asina ona termu referensia hanesan baze legal fundamental ida hodi hahu prosesu hakerek manual.

     

Comments are closed.